A Deputación da Coruña inicia unha serie de debates sobre o feminicidio en trece concellos
O obxectivo é "debater sobre a violencia de xénero e diferenciala da doméstica ou intrafamiliar", sinala a institución provincial.
Por Europa Press / Redacción | A CORUÑA | 26/02/2019 | Actualizada ás 18:16
A área de Igualdade e Benestar Social da Deputación da Coruña promove un programa de debate en torno ao feminicidio que se desenvolverá en trece concellos e que se iniciará este mércores en Negreira.
Segundo informa o organismo provincial, Carme Adán, a autora do libro 'Feminicidio. Unha nove orde patriarcal en tempos de submisión', será a encargada de impartir o trece talleres previstos.
Os concellos de Ferrol, Culleredo, Boiro, Boqueixón, Muxía, Santiago, Cee, Negreira, Coirós, Carballo, Teo, Muros e a Mancomunidade de Ordes acollerán estes talleres sobre a violencia machista.
O obxectivo desta actividade é "debater sobre a violencia de xénero e diferenciala da doméstica ou intrafamiliar", sinala a institución provincial.
