Por Europa Press / Redacción | OURENSE | 27/02/2019 | Actualizada ás 09:40
Varios lumes afectan seriamente á provincia de Ourense. Dous deles quedaron xa extinguidos na Mezquita e no Carballiño, pero outro permanece descontrolado en Padrenda. Este lume, que entrou por Portugal afecta na mañá deste mércores a 30 hectáreas.
Por outra banda, o incendio forestal rexistrado este martes no termo municipal da Mezquita (Ourense) quedou extinguido tras queimar unhas 27,7 hectáreas de superficie.
Segundo informou este mércores a Consellería do Medio Rural, o lume rexistrado ás 14,50 horas deste martes na parroquia de Castromil na Mezquita quedou extinguido ás 20,04 horas da mesma xornada.
As últimas estimacións sitúan a superficie afectada en 27,7 hectáreas, das cales 3,9 foron de monte arbolado e o resto de monte raso, indica Medio Rural.
Na súa extinción traballaron tres axentes, catro brigadas, dúas motobombas e dous helicópteros, confirmaron as mesmas fontes da Xuntan de Galicia.
Mentres, o incendio que se iniciou ás 16,01 horas deste martes no Carballiño (Ourense) na parroquia homónima quedou extinguido ás 22,37 horas tras queimar 23 hectáreas, 18 de monte arboledo e cinco de raso.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.