O presidente de Inditex queixase polo 2% de impostos que paga: "As grandes empresas son inxustamente tratadas"
A tributación total de Inditex ascendeu a 1.600 millóns o último ano, o 2% do total recadado por sociedades en España. Unha porcentaxe que é ínfima en comparación coa tributación dos autónomos ou das pequenas empresas.
Por Europa Press / Redacción | Santiago de Compostela | 27/02/2019 | Actualizada ás 18:42
O presidente de Inditex, Pablo Isla, resaltou que as grandes empresas están a competir en contornas globais, nuns mercados "cada vez máis competitivos" e son "inxustamente tratadas", a pesar de ser "tractor da economía". Así o sinalou este mércores no seu discurso de presentación do Almorzo de Nova Economía Fórum organizado en nome do presidente da CEOE, Antonio Garamendi.
O presidente de Inditex afirmou que, no último exercicio, a contribución tributaria da compañía ao erario público ascendeu a 1.600 millóns de euros, representando en sociedades máis do 2% da recadación total do imposto en España. Unha porcentaxe que é ínfima en comparación coa tributación dos autónomos ou das pequenas empresas.
Para o presidente de Inditex, a empresa do século XXI é "clave" para pór en primeiro lugar ás persoas e xerar motivación nun entrono onde se poida desenvolver o talento. Así mesmo, resaltou que o principal activo para Inditex son as case 200.000 persoas que traballan na compañía.
Tamén destacou que o mundo empresarial atópase en constante innovación e investimento debido á terceira revolución industrial e afirmou que isto "está a afectar a todos os sectores empresariais". "As persoas, a innovación e o investimento, este tres alicerces son consustanciales para calquera empresa e tamén o son para as grandes empresas", engadiu.
Sobre o presidente da patronal, Isla puxo de relevo que é un "defensor á ultranza do diálogo social e un magnífico divulgador das empresas". "Estou seguro de que vai ser un magnífico presidente da CEOE", concluíu o seu discurso, tras afirmar que conta con todo o seu apoio "para esta tarefa tan importante".
