Javier Losada anuncia que o Executivo central ten disposición para dialogar sobre as competencias de tráfico
O PPdeG consideran que existen "outras prioridades" para o "autogoberno de Galicia" á marxe das competencias en seguridade viaria.
Por Europa Press / Redacción | A CORUÑA | 27/02/2019 | Actualizada ás 20:14
O delegado do Goberno en Galicia, Javier Losada, manifestou que o Executivo estaría disposto a dialogar sobre a posible transferencia das competencias de tráfico a Galicia. "O Parlamento fixo as súas propostas e o Goberno está para escoitar, para cooperar e colaborar se a Xunta establece que quere falar de competencias". "Estaremos a disposición na comisión bilateral", engadiu.
O delegado do Goberno fixo estas manifestacións despois de que a abstención do Grupo Popular permitise este martes a aprobación por parte do Parlamento de Galicia do inicio da tramitación da lei para a transferencia das competencias de tráfico e seguridade viaria desde o Estado á Administración autonómica.
A lei, presentada polo PSdeG, saíu adiante cos votos favorables dos grupos da oposición e a abstención dos deputados do PPdeG, que xustificaron a súa postura de "non obstaculizar" a tramitación da lei a pesar de que consideran que existen "outras prioridades" para o "autogoberno de Galicia".
