Atopan o corpo dun home que vivía só e que levaba falecido varias semanas na súa casa en Carnota

A policía local de Carnota localizou no interior da súa vivenda na zona de Lira o corpo dun home de 72 anos, sen signos aparentes de violencia, que levaba falecido máis de dúas semanas.

Trátase dun septuaxenario que vivía só e que non tiña moita relación co resto dos veciños. Con todo, foi un habitante da zona quen avisou os axentes tras pasar varios días sen avistalo.

A policía entrou na casa por unha xanela e atopou alí o cadáver. A pesar de que o corpo se atopaba en avanzado estado de descomposición, a policía local cre que a morte puido producirse por causas naturais.