A última semana de marzo será cando Compostela Aberta escolla a súa lista electoral para as municipais

Compostela Aberta, a marea municipalista que goberna a capital galega desde 2015, celebrará primarias na última semana de marzo para elixir os candidatos que acompañarán a Martiño Noriega no seu intengo por revalidar a Alcaldía de Santiago. O rexedor, que deberá ser ratificado polas bases da marea compostelá, sinalou que aínda non ten "pechado" quen o acompañe na candidatura oficialista para as primarias, que se celebrarán entre o 23 e o 28 de marzo.

Así, nunha rolda de prensa celebrada este venres, Martiño Noriega indicou que mantén "roldas de contactos" cos membros do seu actual equipo --Compostela Aberta ten dez edís na corporación santiaguesa-- e que a súa intención é xuntar "continuidade" e "renovación" na lista para as eleccións do próximo 26 de maio.

Con todo, recoñece que existen "dispoñibilidades diferentes" ás de fai catro anos entre o seu equipo de goberno, polo que non quixo concretar "que porcentaxe" de concelleiras repetirá na candidatura de CA. Así mesmo, o alcalde santiagués sostén que o obxectivo é "facer a mellor lista" para que a marea compostelá "siga liderando a nova etapa aberta" na capital galega en 2015.

INTEGRACIÓN DE PODEMOS

Noriega sostén que as "diferentes sensibilidades" que conviven en Compostela Aberta "desarmaron as súas posicións" e traballan "todos a un tempo" para conseguir o mellor resultado nas eleccións. "Aquí non sobra ningunha sensibilidade", sinalou en relación á integración de membros de Podemos Santiago, que celebrou hai un mes as súas primarias locais, nas que resultou elixido como cabeza de lista Alejandro Botello, exmiembro da coordinadora de Compostela Aberta.

Así as cousas, Compostela Aberta celebrará primarias "abertas" á cidadanía de Santiago na última semana de marzo. O prazo de inscrición de candidaturas permanecerá aberto do 6 ao 10 de marzo. Catro días máis tarde coñeceranse a relación de candidatos e o día 15 pecharase o censo para ter dereito a voto. Tras a campaña electoral, as votacións produciranse entre o 22 e o 24 de marzo. As resultados provisións serán publicados o 25 e, tres días máis tarde, Compostela Aberta anunciará as candidaturas definitivas ás eleccións municipais de maio.

POSICIÓN SOBRE AS XERAIS

Así mesmo, a asemblea de CA que deu luz verde ao calendario de primarias tamén aprobou unha declaración sobre a posición da marea santiaguesa --aliñada no sector crítico coa dirección de Luís Villares-- ante a celebración de eleccións xerais, cita na que, salvo sorpresa, En Marea dividirase en dúas candidaturas.

Así, a marea que encabeza Martiño Noriega sitúase favorable "a unha candidatura galega única de unidade popular que sexa representativa do conxunto do espazo". Deste xeito, tras apelar á "xenerosidade de todas a partes", Compostela Aberta afirma que non se integrará en ningunha candidatura desde o punto de vista legal, aínda que abre a porta a que os seus simpatizantes o fagan a título individual. Con todo, CA sostén que "é imprescindible reforzar o suxeito político galego" que "desde a súa soberanía" debe "procurar complicidades no ámbito estatal".

ALEXANDRA FERNÁNDEZ

Así mesmo, Martiño Noriega tamén foi cuestionado sobre o anuncio efectuado pola deputada de En Marea Alexandra Fernández de que abadona a primeira liña política para retomar os seus estudos. O alcalde desexou "o mellor, sexa cal for o seu camiño" á que é aínda parlamentaria, mais evitou realizar "valoracións" sobre a marcha de Alexandra Fernández, que se mostrou moi crítica co rumbro tomado polo seu partido, Anova, e pola confluencia galega.

Compostela Aberta con Martiño Noriega, no almorzo de balance de nadal. EUROPA PRESS - Arquivo | Fonte: Europa Press