Por E.P. | SANTIAGO DE COMPOSTELA | 02/03/2019 | Actualizada ás 19:22
Ciudadanos Galicia denunciou e condenou "ameazas e insultos" cara á exdiputada do Partido Popular de Ourense e exconcelleira en Xinzo de Limia, Montserrat Lama, quen na actualidade milita na organización laranxa.
Tal como asegurou Ciudadanos, co berro de "tránsfuga", Lama foi "increpada" este venres mentres estaba nunha cafetaría ourensá. Segundo a organización, o autor da "intimidación" tratábase dun "coñecido" militante do Partido Popular de Galicia, do cal non quixo dar máis datos.
O suxeito, segundo relata Ciudadanos, prometeulle á exconcelleira popular que "ía a levar un hostiazo", o que demostra, a xuízo do partido, "a radicalización e maniqueísmo político que a propia Montserrat Lama leva denunciando, como unha realidade existente no seo do PP". Así, Ciudadanos denunciou a "gravidade" das "ameazas e intimidación".
"Desde Ciudadanos cremos que recorrer á intimidación, á crispación e á violencia verbal como único recurso ante a moderación e a coherencia de ideas é un síntoma inequívoco de que estamos ante un panorama político cada vez máis polarizado no seo de determinadas formacións", subliñou o partido.
Pola súa banda, Montserrat Lama lamentou e denunciou o "acoso e a violencia verbal que seguen sufrindo as mulleres ao tomar decisións persoais" e afirmou que darse de baixa do PP foi "a mellor e máis correcta decisión". Así mesmo, estudará se toma medidas legais ante este acto "violento e machista".
O pasado 20 de febreiro Lama presentou a súa dimisión como concelleira e deputada provincial do PP por acumular durante sete anos de militancia "moitas circunstancias non moi agradables", nalgunhas ocasións "deshumanizadas", e tamén "incomprensibles para calquera persoa con dous dedos de fronte".
"Voume cansa e voume farta, todo iso de traballar para que esta situación non sucedese, pero o Partido Popular e eu deixamos de compartir principios e valores", sinalou Lama. Así, asegurou que continuaría en política e deixou a porta aberta cara a Ciudadanos, o cal se confirmou días máis tarde.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.