Só o 4,8% dos empregados de Endesa en Galicia elixiu o plan de mobilidade en vehículo eléctrico da empresa

15 persoas acolléronse ao Plan de Mobilidade Eléctrica para Empregados da compañía. A porcentaxe dos que se acolleron a este plan no conxunto de España aumenta ao 7,4%.

Por Europa Press / Redacción | SANTIAGO DE COMPOSTELA | 05/03/2019 | Actualizada ás 17:49

Comparte esta noticia

O 4,8% dos empregados de Endesa en Galicia sumouse este ano ao colectivo de condutores que elixen o vehículo eléctrico para os seus desprazamentos particulares, o que quere dicir que 15 persoas se acolleron ao Plan de Mobilidade Eléctrica para Empregados da compañía.

O 4,8% dos empregados de Endesa en Galicia elixe o vehículo eléctrico para s. ENDESA
O 4,8% dos empregados de Endesa en Galicia elixe o vehículo eléctrico para s. ENDESA | Fonte: Europa Press

Segundo datos de Endesa, un total de 663 traballadores en toda España adheríronse á mobilidade 'cero emisións', o que supón un 7,4% do persoal total da empresa. O obxectivo da firma é chegar ao 10% do total de empregados en 2020.

"A última edición do Plan de Mobilidade Eléctrica para Empregados tiña un dobre reto. Por unha banda, perseguía incrementar o número de novas incorporacións, a pesar de que non se contaba coas axudas económicas do Plan Movalt; doutra banda, era a quenda da renovación para quen xa se adheriron nas primeiras edicións", asegurou Endesa, que destacou que máis do 85% destes empregados optou pola renovación.

Ademais, a cuarta edición do plan de mobilidade tamén incluía acordos con diferentes fabricantes de coches eléctricos, "facilitando aos empregados a posibilidade de elixir entre cinco modelos", todos 100% eléctricos e con autonomías homologadas que superan os 300 quilómetros nalgúns casos.

"Os participantes puideron optar de novo a un incentivo económico que outorga a empresa pola colaboración na divulgación do plan e que dá preferencia aos vehículos eléctricos no aparcadoiro das súas sedes corporativas", subliñou a compañía, que tamén ofrece aos seus empregados e ao público en xeral "diversas facilidades" para adquirir un punto de recarga doméstico.

Noutra orde de cousas, segundo Endesa, o plan levou asociado desde os seus inicios a instalación de infraestruturas de recarga nas principais sedes da compañía "para as posibles urxencias que lles poidan xurdir aos membros do persoal", que conta xa con 461 puntos eléctricos en dependencias da empresa.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta