Ana Pastor, Marta González, Ana Belén Vázquez e Jaime de Olano, cabezas de lista do PP polas catro provincias
En Ourense sobe ata o número uno Ana Belén Vázquez (era o tres en 2016), que foi deputada por esta provincia no últimas cinco lexislaturas.
Por Galicia Confidencial | SANTIAGO DE COMPOSTELA | 15/03/2019 | Actualizada ás 21:30
Ana Pastor (Pontevedra), Marta González (A Coruña), Ana Belén Vázquez (Ourense) e Jaime de Olano (Lugo) serán os catro cabezas de lista polo PP ás eleccións xerais do 28 de abril.
Diso informou o Partido Popular este venres a través dun comunicado. Deste xeito, a presidenta do Congreso, Ana Pastor, repetirá como cabeza de cartel por Pontevedra. Pola súa banda, a vicesecretaria de Comunicación do PP, Marta González, liderará a lista pola Coruña (en 2016 fíxoo Miguel Lorenzo).
En Ourense sobe ata o número uno Ana Belén Vázquez (era o tres en 2016), que foi deputada por esta provincia no últimas cinco lexislaturas. Tamén en Lugo hai cambios no cabeza de lista, xa que Jaime de Olano substitúe a Joaquín García Díez e sobe do número dous ao un.
