Un menor cae polo oco do ascensor nun edificio en obras no Carballiño
Estaba consciente no momento do rescate, pero foi trasladado en ambulancia ao centro hospitalario
Por Europa Press / Redacción | Santiago de Compostela | 17/03/2019 | Actualizada ás 20:09
Os bombeiros do Carballiño rescataron este domingo un menor que caera polo oco dun ascensor nun edificio en construción na localidade ourensá do Carballiño.
Tal como informaron a Europa Press fontes do corpo de bombeiros da localidade, o menor foi rescatado grazas a un operativo que contou coa colaboración da Garda Civil e do 061- Urxencias Sanitarias. Así mesmo, fontes dos efectivos de Protección Civil do Carballiño aseguraron a Europa Press que o neno se atopaba consciente no momento do rescate, aínda que o prognóstico é reservado.
"Caeu polo oco onde irán o ascensor e as escaleiras dun edificio que aínda está en construción", explicaron as mesmas fontes, para logo engadir que "o neno foi trasladado en ambulancia ao centro hospitalario"
