Licitados máis de 1,3 millóns para a TVG que lle permitirán ofrecer contidos dixitais "innovadores"

Segundo informou a Xunta nun comunicado, dita plataforma ofrecerá ás persoas "novas experiencias dixitais formativas adaptadas aos hábitos de consumo actuais".

Por Europa Press / Redacción | SANTIAGO DE COMPOSTELA | 31/03/2019 | Actualizada ás 12:58

Comparte esta noticia

A Axencia para a Modernización Tecnolóxica de Galicia (Amtega) publicou a licitación para deseñar e implementar unha plataforma de contidos interactivos para a Televisión de Galicia, que contará cun investimento de máis de 1,3 millóns de euros.

Segundo informou a Xunta nun comunicado, dita plataforma ofrecerá ás persoas "novas experiencias dixitais formativas adaptadas aos hábitos de consumo actuais" e enmárcase no Plan DicoMinset para impulsar o sector dos contidos dixitais en Galicia. Con esta iniciativa a televisión pública autonómica contará cun soporte que lle permitirá ofrecer contidos divulgativos de ámbito científico e tecnolóxica para mozos en idade escolar.

"Esta licitación é o resultado das consultas preliminares ao mercado dentro do proceso de Compra Pública Innovadora lanzado a finais do ano 2018 por ambas as entidades", destacou o Executivo galego, quen engadiu que foron examinadas as ideas das 20 entidades que participaron no proceso.

PROPOSTAS

As empresas poderán presentar propostas ata o próximo 8 de abril. Nunha primeira fase, a Amtega seleccionará ao sete compañías que obteñan unha maior valoración para participar nun proceso de negociación.

"O procedemento con negociación constitúe unha das modalidades para a adxudicación dos contratos administrativos da nova lei de contratos e está ligado á prestación dun proxecto ou solucións innovadoras", explicou a Xunta. Neste sentido, asegurou que tras efectuar consultas cos mesmos candidatos seleccionados e negociar as condicións do contrato, adxudicarase á empresa que presente a "mellor e máis innovadora" oferta.

Crtvg. CORPORACIÓN DE RADIO E TELEVISIÓN DE GALICIA
Crtvg. CORPORACIÓN DE RADIO E TELEVISIÓN DE GALICIA

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta