VÍDEO: así foi o rescate dunha familia no faro de Montelouro tras un accidente no que morreu o pai

O servizo de Gardacostas de Galicia publicou o vídeo da evacuación realizada na tarde do pasado domingo no faro de Montelouro (Muros).

O equipo do helicópetero 'Pesca 1' foi mobilizado polo 112 Emerxencias Galicia para evacuar unha familia dunha zona escarpada e de difícil acceso. Foron rescatadas tres persoas con vida (nai e fillos) e o corpo do pai, que desafortunadamente faleceu despois de caer desde unha grande altura mentres practicaba “rapel”.