Aberto o prazo para solicitar o voto por correo para as eleccións municipais e europeas do 26 de maio
Por E.P. | SANTIAGO DE COMPOSTELA | 02/04/2019 | Actualizada ás 14:30
Os cidadáns xa poden solicitar o voto por correo para as eleccións municipais e ao Parlamento europeo do próximo 26 de maio. Ademais, celebraranse comicios autonómicos noutras doce comunidades, entre as que non se atopa Galicia. Segundo informa Correos, quen queira solicitar esta modalidade de voto poderá facelo ata o 16 de maio en calquera oficina de Correos de España.
Esta petición debe realizarse persoalmente por cada elector, salvo en caso de enfermidade ou discapacidade que impida facelo persoalmente, o que deberá acreditarse mediante certificado médico--. Neste sentido, Correos lembra que todas as persoas con discapacidade maiores de 18 anos teñen dereito a votar persoalmente tras a aprobación da Lei Orgánica 2/2018 de 5 de decembro, que modifica a Lei Orgánica de Réxime Electoral.
No momento de formular a solicitude de voto por correo, os interesados deben acreditar a súa personalidade presentando o DNI, o Pasaporte, o carné de conducir, o cartón de residencia --para cidadáns da Unión Europea-- ou o cartón de identidade de estranxeiro.
