Segue a vaga de lumes a pesar da baixada de temperaturas

A zona máis afectada é, novamente, o Barbanza, cun lume en Boiro no que se calcinaron máis de 50 hectáreas.

Por Europa Press / Redacción | SANTIAGO DE COMPOSTELA | 03/04/2019 | Actualizada ás 09:22

Comparte esta noticia

O municipio coruñés de Boiro rexistra na mañá deste mércores un incendio forestal que permanece estabilizado tras queimar unhas 50 hectáreas. A comarca do Barbanza rexistrou a pasada semana o peor incendio desde a vaga de lumes do 17, con case 1.200 hectáreas ardidas.

Segundo informou a Consellería do Medio Rural, este lume iniciouse na parroquia de Cures, no termo municipal de Boiro, e afecta a unhas 50 hectáreas.

Pola súa banda, quedou controlado o incendio forestal que queimou unhas 66 hectáreas de superficie na localidade ourensá de Verín. Este lume iniciouse ás 15,39 horas do martes na parroquia de Vilamaior do Val.

Incendio
Incendio | Fonte: EUROPA PRESS - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta