Por E.P. | Santiago de Compostela | 09/04/2019 | Actualizada ás 13:47
A ocupación das casas rurais durante a Semana Santa alcanza o 57,9% en Galicia, por baixo da media nacional -do 73%- entre todos os aloxamentos rurais que teñen o seu calendario de ocupación actualizado entre o 17 e o 21 de abril de 2019, a falta de contabilizar as reservas de última hora, segundo datos recolleitos por Tuscasasrurales.com .
Por comunidades autónomas, Navarra lidera a ocupación cun 93,39%, seguida de Aragón cun 84,95%, Estremadura (84,17%), Castela e León (83,68%), Cataluña (80,76%), A Rioxa (80,17%) e País Vasco (80,11%) como as comunidades que rexistran os maiores niveis de ocupación en España durante a Semana Santa de 2019.
Tras estas comunidades quedan outras como Andalucía (73,82%), Asturias (73,7%) ou Castela a Mancha (73,35%). Doutra banda, as rexións que rexistran unha menor taxa de ocupación durante a Semana Santa son Galicia cun 57,94%, Murcia (57,23%) e Baleares cun 48,46%.
En canto a provincias, e ao incluírse as autonomías uniprovinciais, Navarra sitúase como a provincia con maior ocupación durante a Semana Santa de 2019, cun 93,39% de ocupación, seguido doutras provincias como Álava (89,65%) Burgos (88,7%) Segovia, (88,6%), Cáceres (88,56%), Zaragoza (88,54%), Salamanca (87,71%) ou Soria cun 87,39%.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.