Máis de 20.000 persoas para menos de 200 prazas
Son as que se presentan este sábado e domingo aos exames que teñen lugar en Silleda.
Por Europa Press / Redacción | SANTIAGO DE COMPOSTELA | 13/04/2019 | Actualizada ás 10:35
Máis de 20.000 persoas están chamadas a participar nas oposicións de acceso á Xunta que se celebrarán este fin de semana no recinto da Feira Internacional de Galicia, en Silleda. Unhas opocións para ocupar menos de 200 prazas.
En sábado, celebraranse oposicións para 38 prazas do corpo superior da Administración Xeral da Comunidade Autónoma A1, ás 9,30 horas, mentres que pola tarde será o exame para 53 prazas do corpo auxiliar C2, ás 16.00 horas.
Xa o domingo, a xornada arrincará co exame do corpo de xestión da Administración Xeral da Comunidade Autónoma A2 (30 prazas), mentres que pola tarde será a quenda da categoría de camareiro-limpador/axudante de cociña, con 76 prazas.
