Por E.P. | SANTIAGO DE COMPOSTELA | 15/04/2019 | Actualizada ás 18:41
A folga dos transportistas de transportes sólidos urbanos de Sogama, subcontratados a Transportes Pocholo, comezou este luns cunha breve reunión no Consello Galego de Relacións Laborais entre traballadores e empresa na que non se aproximaron posturas.
Segundo denuncia a CIG nun comunicado, "a empresa boicoteou calquera posible achegamento" nunha reunión de 20 minutos "ao negarse rotundamente a abordar" a readmisión de oito traballadores despedidos. Tras iso, un grupo de traballadores comezou un peche no Concello de Ordes para pedir a mediación do goberno municipal.
Así mesmo, os traballadores reclaman á Xunta a súa intervención, ademais de criticar os servizos mínimos "abusivos". Xunto a isto, avisa ao PP de que seguirán levando as súas protestas aos actos dos populares en campaña "mentres non se resolva o conflito".
Neste sentido, Inácio Pavón, da CIG, resalta que este conflito "deriva do deseño de contratas" realizado pola UTE que realizou a subcontrata --formada por Copasa, Renfe e Logirail--, que gañou o concurso de residuos de Sogama, "o que foi o contrato público máis elevado na pasada lexislatura do goberno de Núñez Feijóo, con 140 millóns de euros".
Por iso, critica a "oportunidade perdida" que supuxo a reunión deste luns, xa que "só leva a unha intensificación do conflito". "Seguiremos participando na súa campaña mentres non se resolva o conflito laboral", lamenta.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.