Dous detidos e 1.500 plantas de marihuana intervidas en Sigüeiro
Os feitos iniciáronse cando a patrulla do Subsector de Tráfico interceptou un vehículo Citroën Berlingo. conducido por dous cidadáns holandeses na peaxe da AP-9.
Por Europa Press / Redacción | SANTIAGO DE COMPOSTELA | 16/04/2019 | Actualizada ás 13:48
O Equipo de Policía Xudicial da Compañía de Santiago e efectivos do Destacamento de Tráfico da Garda Civil da mesma localidade interviñeron 1.500 plantas de marihuana e detido a dous individuos como presuntos autores dun delito contra a saúde pública na localidade coruñesa de Sigüeiro.
Segundo informou o Instituto Armado, os feitos iniciáronse cando a patrulla do Subsector de Tráfico interceptou un vehículo Citroën Berlingo, conducido por dous cidadáns holandeses na peaxe da autoestrada AP-9, á altura da localidade de Sigüeiro.
Durante a revisión do automóbil, localizaron "unha gran cantidade de plantas de marihuana", aseguran as mesmas fontes, polo que procederon á detención dos ocupantes do mesmo e a incautación das plantas e o vehículo.
Tras o seu traslado ao cuartel, realizouse o reconto das plantas, cun total de 1.500 exemplares. Os efectos subtraídos e os individuos detidos pasaron a disposición do Xulgado de Instrución número 2 de Ordes.
