Por Europa Press / Redacción | SANTIAGO DE COMPOSTELA | 20/04/2019 | Actualizada ás 18:39
Galicia superou este sábado 20 de abril os 30 graos, que se alcanzaron en Ponteareas (Pontevedra), con valores próximos a esta temperatura tanto nesta provincia como en localidades de Ourense.
Nunha xornada de influencia anticiclónica e circulación do nordeste, os datos de Meteogalicia reflicten que A Granxa, en Ponteareas, chegou aos 30,2 graos ás 17,30 horas. En valores máximos seguiulle Tui (Pontevedra), con 29,6 graos á mesma hora; Arnoia (Ourense) con 29,5 ás 17,50 horas; Pontevedra coa mesma temperatura ás 16,10 e Leiro con 29,4 ás 16,10.
Aínda que as temperaturas máximas foron algo inferiores nas dúas provincias do norte, en Lugo e A Coruña, aínda así superaron na maior parte do territorio os 20 graos de máxima.
En cambio, as mínimas foron bastante baixas, situándose nos 3,4 graos no Valadouro (Lugo), 3,7 en Baltar (Ourense) e 3,8 en Calvos de Randín (Ourense).
Para o domingo, Meteogalicia prevé unha leve baixada de temperaturas máximas, que se situarán ao redor dos 25 graos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.