Por E.P. | A CORUÑA | 24/04/2019 | Actualizada ás 14:14
O alcalde da Coruña, Xulio Ferreiro, apelou a apoiar nestas eleccións xerais a unha "maioría de esquerda" que defenda "os intereses" de Galicia e tamén da cidade herculina.
A preguntas dos xornalistas, coincidindo cunha reunión con veciños de Feáns na súa condición de candidato á reelección nas eleccións municipais de maio, confirmou que ten o seu voto decidido, aínda que non concretou a que formación.
Sobre estes comicios, dixo que o espera é que deles salga "un goberno de progreso, que mire polos intereses das clases populares e a maioría social". Así, rexeitou un goberno "que poida achegarse ao centro dereita porque poida ser máis cómodo".
"Se non que se molle, que haxa unha maioría de esquerda que poida sumar e votarei en consecuencia para que haxa esa maioría". "É importante que os intereses de Galicia e A Coruña estean presentes e fixarse quen defende eses intereses", recalcou.
"Co que acabo de dicir está clarísimo", respondeu tamén ao ser preguntado en varias ocasións a que formación votará despois de que en Marea Atlántica optase por absterse de participar na campaña tras a escisión que deu lugar a En Común-Unidas Podemos e En Marea.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.