Evacuan por precaución os alumnos dun colexio en Neda por un incendio orixinado nunha aula
O suceso ocorreu pasados uns minutos das 11,30 horas deste xoves e foi o propio centro o que avisou ao servizo de emerxencias dun incendio.
Por E.P. | SANTIAGO DE COMPOSTELA | 25/04/2019 | Actualizada ás 13:55
Os alumnos do CEIP San Isidro foron evacuados na mañá deste xoves por precaución debido a uns incendios tras arder diversos papeis que se atopaban dentro dunha aula.
Segundo informou o 112, o suceso ocorreu pasados uns minutos das 11,30 horas deste xoves e foi o propio centro o que avisou ao servizo de emerxencias dun incendio.
Os alertantes indicaron no seu relato que os alumnos, por precaución, foran evacuados da aula. Enseguida, púxose o suceso en coñecemento dos Bombeiros de Ferrol e Narón, do servizo sanitario de urxencia e dos axentes da Garda Civil.
Así mesmo, informouse a Policía Local, Protección Civil da localidade e aos membros do GES de Mugardos que, finalmente, indicaron que no incendio arderon uns papeis, o que provocou moito fume na aula.
