Por Europa Press / Redacción | SANTIAGO DE COMPOSTELA | 25/04/2019 | Actualizada ás 19:15
O presidente do Goberno galego, Alberto Núñez Feijóo, mostrouse este xoves con "tranquilidade absoluta" ante a investigación ao director xeral de Enerxía e Minas, Ángel Bernardo Tahoces, quen está chamado a declarar como investigado por un suposto delito de prevaricación ambiental na reapertura da canteira de San Finx, en Lousame (A Coruña).
"Temos a absoluta convicción de que na Xunta cumprimos a lei. Imos acreditar que cumprimos a lei, non temos máis inquietudes que acreditar que se incumpriu a lei, tanto a de minas como calquera outra do ámbito autonómico", recalcou.
Deste xeito, Feijóo quixo mostrar o seu "respecto", como "sempre" fixo o seu Goberno, coa xustiza. "Se hai un alto cargo que está chamado a declarar, declarará", garantiu. O responsible de Minas da Administración autonómica foi notificado a semana pasada que terá que comparecer como investigado ante os xulgados de Noia o vindeiro xoves, 2 de maio.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.