O Consello Relacións Laborais afirma non cre que a suba do SMI xere "conflitividade"
A presidenta do Consello cre que as próximas eleccións municipais e europeas, ás que se sumarán as sindicais, e os comicios autonómicos de 2020, si poderían levar un aumento da "conflitividade" nas relacións laborais.
Por E.P. | VIGO | 01/05/2019 | Actualizada ás 17:34
A presidenta do Consello Galego de Relacións Laborais, Verónica Martínez Barbeiro, puxo en valor a subida do Salario Mínimo Interprofesional (SMI) alcanzada nesta última lexislatura e considerou que non xerará "conflitividade".
Nunha entrevista na Cadea SER, Martínez Barbeiro sinalou que este incremento permitiu aos cidadáns alcanzar un salario "suficiente e positivo" e afirmou que tamén será beneficioso desde o "punto de vista económico e relacionado co consumo".
Mentres, asegurou que as próximas eleccións municipais e europeas, ás que se sumarán as sindicais, e os comicios autonómicos, que terán lugar en 2020, si poderían levar un aumento da "conflitividade" nas relacións laborais.
Na súa opinión, por tanto, a tensión no ámbito da súa competencia alongarase ata 2020 debido ás citas electorais que, segundo apuntou, tenden a levar esta clase de consecuencias.
