Por E.P. | A CORUÑA | 01/05/2019 | Actualizada ás 17:38
O presidente do comité de empresa da fábrica de Alcoa na Coruña, Juan Carlos López Corbacho, esixiu a Pedro Sánchez o "cumprimento" dos compromisos realizados polo Executivo socialista antes das eleccións xerais para garantir o futuro desta planta e a de Avilés (Asturias).
A preguntas dos xornalistas, coincidindo coa súa presenza na mobilización do Primeiro de Maio, Corbacho confirmou que o próximo 6 de maio celebrarase unha nova reunión en Madrid da mesa constituída a nivel estatal para abordar o futuro das plantas.
"Non confiamos en ningún político, enganáronnos bastantes veces", admitiu Corbacho. Pero, a pesar de asegurar que teñen "pouca confianza", ratificou que seguirán "presionando" con mobilizacións.
"O Goberno ten máis forza que antes", dixo sobre o apoio recibido polo PSOE nas eleccións xerais do domingo. "O baúl das promesas está cheo", advertiu ao Executivo, ao que instou a cumprir os "compromisos" para garantir a continuidade das plantas de Alcoa ameazadas polo peche.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.