Segue caendo a producción insutrial en Galicia
O pasado marzo o descenso foi dun 6,9%.
Por E.P. | SANTIAGO DE COMPOSTELA | 09/05/2019 | Actualizada ás 11:03
O Índice Xeral de Produción Industrial (IPI) caeu en marzo un 6,9% en Galicia respecto ao mesmo mes de 2018, segundo os datos que publica este xoves o Instituto Nacional de Estatística (INE).
Este é o segundo maior descenso entre comunidades, só superado por Estremadura (9,1%). A media española sitúase en negativo por pouco (-0,1%). No outro extremo, Aragón rexistra o maior incremento (+3,8%).
Deste xeito, Galicia acumula catro meses coa taxa de produción industrial en negativo, xa que o último dato positivo produciuse en novembro de 2018.
Así, na media do primeiro trimestre Galicia sitúase nunha taxa negativa do 5,4%, tamén é a segunda máis acusada o Estado. Hai unha caída maior en Estremadura (-6,7%). En cambio, a media española está en cifras positivas (+0,7%).
Este retroceso en Galicia está liderado pola enerxía (-28,2%). Tamén en negativo están os bens intermedios (-4,6%) e os bens de consumo duradeiro (-3,7%). En cambio, están en rexistros positivos os bens de equipo, os de consumo e os de consumo non duradeiro.
