Por E.P. | OURENSE | 10/05/2019 | Actualizada ás 00:20
O secretario xeral do PSdeG, Gonzalo Caballero, pediu o voto para a súa formación nas próximas eleccións municipais do 26 de abril para "converter as cidades galegas" en "bastións do progreso" e da "loita contra a extrema dereita". O xefe de filas dos socialistas galegos participou en Ourense na tradicional pegada de carteis que marca o inicio da campaña electoral en compañía do candidato á Alcaldía, Rafael Rodríguez Villarino.
Tras unha vitoria "histórica" nas pasadas eleccións xerais, nas que se alcanzou unha elevada participación, Gonzalo Caballero chamou a repetir esa "mobilización masiva" para impedir a entrada da ultradereita en concellos onde concorre para evitar que unha dereita que "non é de fiar" chegue ás alcaldías. Así o afirmou o líder do PSdeG, consciente de que agora o Partido Popular tenta "renegar" de Vox a pesar de que, onde lle dan as contas, como en Andalucía, selou un pacto coa ultradereita.
"AVANZAR EN VOTOS E EDÍS"
Na súa intervención, Gonzalo Caballero sinalou que o PSdeG está en "condicións de avanzar en número de votos e de edís" dentro das sete grandes cidades, así como de mellorar os datos rexistrados nas eleccións municipais do 2015. Ao contrario, prognosticou, o PP "vai retroceder" en todas as cidades e a baixar a súa porcentaxe de apoio.
"Somos a esquerda que sabe gobernar", proclamou á vista de que, segundo indicou, os socialistas representan a "mellor garantía de avance e progreso" en cada concello. Ademais, chamou a impedir o "retroceso" no proxecto europeo que, conforme sinalou, implican as forzas de ultradereita nun momento no que toca debater o marco financeiro que rexerá ata 2027.
OURENSE
Gonzalo Caballero arroupou a Rafael Rodríguez Villarino para converterse no seguinte alcalde da cidade de Ourense. Sobre todo, como indicou, á vista da "xestión nefasta" levada a cabo polo único alcalde que tivo o PPP neste mandato nunha do sete urbes galegos.
"Foron catro anos nos que nin tan sequera saíron adiante un sós orzamento, de forma que toca abrir o futuro en Ourense para recuperar o púo que tivo no pasado como terceira cidade de Galicia", apuntou. En paralelo, chamou a derrotar nas urnas "ao caciquismo e ao clientelismo" que goberna a Deputación de Ourense, co segundo do "clan dos Baltar á fronte" para que "entre o aire fresco" na institución.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.