A USC eliminará o requisito de ter o nivel B1 de idiomas para obter un título universitario
A medida aprobouse no Claustro da USC celebrado na mañá deste venres e está pendente de ser aprobada polo Consello de Goberno.
Por Brais Nogueira | SANTIAGO DE COMPOSTELA | 10/05/2019 | Actualizada ás 15:04
A Universidade de Santiago de Compostela deixará de esixir o nivel B1 de idiomas como requisito para ter un título, segundo fontes consultadas por Galicia Confidencial presentes no Claustro da USC celebrado esta mañá.
Tras unha sentencia previa na que o TSXG declaraba ilegal esta esixencia tras a denuncia dun estudante de Historia. E que o resto de universidades galegas non o teñan como obriga, aínda que si como recomendación, o equipo rectoral da USC viuse obrigado a retirar o requeremento.
Desta forma, o Claustro mandata ao consello de Goberno facelo aínda que de momento "non se sabe en que termos se fará". Tamén se obrigará a revisión de todos os plans de estudo que obrigaban a acreditalo. O B1 soamente seguirá a ser obrigatorio no caso onde os plans de estudo integren a posibilidade de acadalo, como en Filoloxía ou se se modifican os plans doutras carreiras. O que si se manterá serán os créditos que certifica a USC por acreditar unha lingua.
