Pontón asegura que os concellos do BNG están "libres de corrupción"
Chama a votar para "botar a Feijóo".
Por E.P. | SANTIAGO DE COMPOSTELA | 11/05/2019 | Actualizada ás 18:23
A portavoz nacional do BNG, Ana Pontón, asegurou que os concellos gobernados polos nacionalistas están "libres de corrupción", á vez que chamou a votar ao Bloque para "botar a Feijóo e ao PP" das institucións.
"Os concellos nos que goberna o BNG son honestos, están libres de corrupción e son exemplos de democracia comunicativa, feministas e sustentables", destacou no mitin de Verín no que participou este sábado para apoiar a Diego Lorenzo, actual tenente de alcalde e candidato á alcaldía da localidade ourensá.
A dirixente nacionalista, segundo informa a formación nun comunicado, está "convencida do avance electoral do Bloque", tras os resultados dos comicios xerais, nas que duplicou o número de apoios. "Imos con tanta forza que o ano que vén, nas eleccións galegas, imos botar a Feijóo e ao PP", recalcou.
Así mesmo, Pontón encomiou o labor do BNG en Verín en canto á xestión pública dos servizos municipais e pediu "o apoio da veciñanza para reforzar o liderado de Diego Lourenzo o 26M, para que sexa o próximo alcalde de Verín tras ser o motor do cambio este catro anos de revolución".
