Traballadores de empresas electrointensivas presionan a Xunta e Goberno central en plena campaña

Pídenlle que "se poñan as pilas" para garantir "un futuro" a estas industrias

Por Europa Press / Redacción | A CORUÑA | 13/05/2019 | Actualizada ás 14:34

Comparte esta noticia

Os comités de empresa de Alcoa Coruña e San Cibrao, en Cervo (Lugo); de Ferroatlántica en Sabón e Cee-Dumbría e de Celsa Atlantic, na Laracha, convocaron para o 20 de maio, en Santiago de Compostela, unha manifestación conxunta para reclamar unha "solución enerxética" e "un futuro" para estas industrias.

Nunha rolda de prensa no Edificio de Sindicatos da Coruña, e coa presenza dos presidentes dos comités destas empresas, pediron tanto ao Goberno como á Xunta de Galicia que "se poñan as pilas" para garantir a continuidade das súas fábricas e os empregos tanto directos como indirectos que xeran.

O presidente do comité de empresa de Alcoa na Coruña, Juan Carlos López Corbacho, cifrou en máis de 4.000 as familias que dependen das empresas que convocaron a protesta, que partirá ás 11,00 horas desde o Estadio de San Lázaro en dirección ás consellerías.

'Xuntos por unha tarifa eléctrica competitiva para a industria electrointensiva', 'Sen industria non hai futuro", "Solución enerxética, xa' e 'Na defensa dos postos de traballo da industria electrointensiva' son as demandas que figuran no cartel da manifestación, cuxo lema será 'Por un futuro para a industria electrointensiva'.

SOLUCIÓN "POLÍTICA"

Os presidentes dos comités das empresas convocantes coincidiron na necesidade desta mobilización para "incidir" en que a Administración central e a Xunta adopten decisións que permitan "regular o sector eléctrico".

Respecto diso, o presidente do comité de Ferroatlántica Sabón, Alberto Ferreiro, cuestionou que o prezo do megawatio "se pague en Francia a 23 euros e nós a 58 euros", sinalou ao comparar a situación nun e outro país. "Non podemos seguir así hai que sacar un prezo razoable", dixo o seu compañeiro de Cee-Dumbría.

"A solución é política", dixo, á súa vez, o presidente do comité de empresa de Alcoa San Cibrao, Xosé Paleo, quen, como Juan Carlos López Corbacho, volveu a reclamar "prezos estables" a través dun estatuto electrointensivo, do que reprocharon ao Goberno que non o aprobase antes das eleccións xerais, en alusión ao seu compromiso a este respecto.

"Os prezos enerxéticos afúndennos cada vez máis", recalcou o presidente do comité de Celsa Atlantic, Agustín Méndez, quen reiterou que o sector "necesita un marco que regule o problema enerxético".

Factoría de Alcoa
Factoría de Alcoa | Fonte: EUROPA PRESS - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta