Por E.P. | SANTIAGO DE COMPOSTELA | 13/05/2019 | Actualizada ás 18:43
O presidente do Goberno en funcións e líder do PSOE, Pedro Sánchez, visitará este martes A Coruña para facer campaña municipal onde estará apoiando á candidata do PSOE á alcaldía, Inés Rey.
Sánchez visitará A Coruña acompañado polo secretario xeral do PSdeG, Gonzalo Caballero, para participar nunha comida mitin xunto ao secretario provincial do PSOE, Valentín González Formoso, e a candidata municipal, Inés Rey.
Tras a súa visita á cidade herculina, o xefe de filas dos socialistas desprazarase a Vigo, urbe que xa visitou tamén na pasada campaña das eleccións xerais do 28 de abril.
Na cidade olívica participará noutro acto electoral no que tamén intervirán Gonzalo Caballero, a presidenta da Deputación de Pontevedra, Carmela Silva, e o alcalde e candidato á reelección, Abel Caballero.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.