Galicia, a máis de 30 graos en primavera
En Ourense chegouse aos 34,7 graos.
Por Galicia Confidencial | Santiago de Compostela | 13/05/2019 | Actualizada ás 20:51
A onda de calor africana que afectou este luns a Galicia deixou temperaturas por enriba dos 30 graos en localidades das catro provincias e alcanzou o seu máximo na cidade de Ourense, onde os termómetros subiron ata os 34,7 graos.
A provincia máis afectada polas altas temperaturas foi Ourense, onde, ademais da capital provincial, os termómetros alcanzaron cifras de 34,3 graos en Arnoia, 33,9 en Leiro ou 33,5 en Vilamartín de Valdeorras.
En Lugo, a zona máis cálida foi o sur, onde o mercurio elevouse ata 32,1 graos en Ribas de Sil ou Pantón, e ata 32 graos en Monforte.
Na provincia de Pontevedra, as temperaturas máis altas concentráronse no sur, bordeando a 'raia' con Portugal, con cifras de ata 32,7 graos en Tui e 32,5 graos en Arbo ou, máis ao norte, Mondariz.
Finalmente, na Coruña os termómetros non subiron de forma tan acusada. Con todo, ser alcanzaron cifras de 32 graos en Rois, 31,8 en Vedra, 31,5 en Boqueixón e algo máis de 31 graos en Boiro.
