Por X.M. Fernández | Vilamartín de Valdeorras | 18/05/2019 | Actualizada ás 10:00
A expedición de Valdeorras para esta ocasión estivo integrada por 14 adegas e 28 marcas de viño do territorio amparado que coincidiron ata este xoves no mesmo espazo expositor para dar a coñecer os seus caldos no prestixioso salón Vinexpo.
“Trátase da primeira vez que os nosos viños participan neste foro”, recoñeceu o presidente do Consello Regulador, José Luis García Pando, quen abondaba sobre a interesante oportunidade de estar aquí presentes ao tratarse dun salón de 70.000 metros cadrados de exposición no que participan máis de 1.600 empresas do mercado do viño e dos licores de 29 países.
O Salón Vinexpo reúne a economistas, investigadores e produtores que están a darlle especial importancia a tres puntos: o impacto do cambio climático nos viñedos de todo o mundo, o funcionamento das adegas e o proceso de elaboración do viño e chamada ‘economía do viño’.
ADEGAS PARTICIPANTES
As 14 adegas que coinciden no stand do Consello Regulador da Denominación de Orixe Valdeorras son: A Coroa, Terriña S.L., Guitián y Blanco S.C., Sampayolo S.L., O Luar do Sil S.L., Avelina S.A.T., Adega da Pinguela, Adega Melillas e Fillos, Joaquín Rebolledo S.A., Quinta da Peza S.L., Santa Marta S.A.T., Alán de Val S.A.T., Bodegas Godeval S.L. e O Casal S.A.T.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.