Por Galicia Confidencial | Compostela | 16/05/2019 | Actualizada ás 15:47
“Hai certo contaxio das eleccións xerais e, por iso, o PSOE ten bos resultados nas enquisas das municipais”, dixo o líder do PPdeG, Alberto Núñez Feijóo, sobre a perspectiva dun aumento dos socialistas nos comicios do 26 de maio. Foi na rolda de prensa posterior ao Consello da Xunta tras ser preguntado senón teme a fuga de votos xa non a Ciudadanos ou Vox, senón cara ao PSOE.
De feito, algunhas enquisa apuntan que os socialistas crecerán, en parte, grazas a votantes do PP como pode acontecer en Vigo ou en Santiago. Sobre este tema, Feijóo matizou que agora hai "efecto contaxio" e quixo deixar claro que, a medida que a campaña avance, “cada partido recuperará o peso que lle corresponde”.
E, aínda que se confirme un ascenso do PSOE nestes comicios, Feijóo suliñou que este partido non poderá gobernar sen o apoio das mareas ou do BNG. “Tanto monta, monta tanto”, dixo ao referirse a un apoio entre estas formacións. “O primeiro candidato do PSOE non poderá ser investido senón conta co apoio das mareas ou do BNG, agás o que gañe por maioría absoluta”, matizou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.