Por Galicia Confidencial | Pontevedra | 18/01/2012 | Actualizada ás 11:01
A CIG denunciou este mércores que a Xunta comezou o proceso de privatización das novas escolas de educación infantil “Galiña Azul”, as antigas "Galescolas" cando o bipartito. Educación publica no DOG a licitación do centro de Monteporreiro (Pontevedra), desde a data de apertura, 1 de marzo de 2012, até o 31 de agosto de 2014. En outubro do pasado ano a Federación da CIG xa alertara publicamente de que o Goberno galego tiña a pretensión de privatizar 17 escolas infantís, todas elas de nova apertura.
“A CIG-Ensino denuncia esta privatización dos servizos básicos á cidadanía, convertendo en lucro rexido polas leis do mercado o que debe ser un servizo á poboación”, explica o sindicato. O Concello de Pontevedra, que goberna o BNG, está en contra de que a xestión desta escola sexaprivada.
Concesións que superan o período de goberno
Ademais, como xa sucedera no seu día cos concertos educativos, a Xunta fai concesións a empresas que exceden o período lexislativo, vinculando as futuras decisións do goberno que saia das urnas antes de que finalice o mes de marzo de 2013, “cuestión que consideramos de extrema gravidade e que vulnera os máis elementais principios democráticos”.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.