Ciudadanos reivindica a lingua galega e a Rosalía de Castro

A formación laranxa organizou un acto en Ponte Caldelas co gallo do Día das Letras Galega, no que dixo ver "asustados" os seus rivais políticos de cara ás eleccións municipais, nas que agarda contar con representación "na gran maioría de concellos".

Por Europa Press / Redacción | SANTIAGO DE COMPOSTELA | 17/05/2019 | Actualizada ás 20:29

Comparte esta noticia

Ponte Caldelas acolleu este venres, Día das Letras Galegas, un "gran encontro cidadán" impulsado pola formación laranxa e ao que asistiron os candidatos do partido a estas eleccións municipais, onde advertiron aos seus "asustados" rivais políticos de que esperan contar con representación "na gran maioría de concellos".

Acto de Ciudadanos en Ponte Caldelas
Acto de Ciudadanos en Ponte Caldelas | Fonte: Europa Press

O acto contou coa presenza do secretario de organización en Galicia, Laureano Bermejo; as deputadas nacionais pola Coruña e Pontevedra, Marta Rivera e Beatriz Pino; e a candidata á alcaldía de Ponte Caldelas, Selene Domínguez, entre outros militantes do partido.

Bermejo mostrouse "convencido" de que Ciudadanos entrará na maioría de municipios e animou aos cidadáns a apoiar a esta formación, porque os seus rivais políticos "están moi preocupados e asustados".

"Sodes o futuro de Ciudadanos e a imaxe que queremos transmitir. Sodes xente na que se pode confiar e traballadora", asegurou Bermejo ante decenas de militantes e simpatizantes.

Domínguez, pola súa banda, asegurou que cre nas súas "raíces" e prometeu que non se esquecerán "de onde procedemos, neste día tan conmemorativo como é o Día das Letras Galegas"

Así, animou a loitar por situarse tanto pola a lingua como por Galicia, apostando por un proxecto "baseado nas inquietudes" dos veciños para Ponte Caldelas.

"COAS MANS LIMPAS"

A deputada por Pontevedra, Beatriz Pino, destacou a figura de Selene Domínguez, e está convencida de que a candidata de Cs a esta alcaldía será a próxima alcaldesa desta localidade pontevedresa.

"Imos coas mans limpas e sen mochilas, os de Ciudadanos somos de fiar. Os de cor azul están moi nerviosos", destacou en referencia ao PP.

Para finalizar, a deputada pola Coruña, Marta Rivera, destacou a importancia que teñen os votos nas eleccións e asegurou que nestas municipais hai que saír ás urnas. "Ninguén se pode quedar en casa. O poder da xente está no voto" Rivera pediu que ninguén quede en casa, xa que este domingo "cada voto conta, e conta moito".

Tamén reivindicou a figura de Rosalía de Castro, "a primeira muller que recuperou o galego e á que se dedicou este día", e advertiu de que os votos do BNG "son votos para Bildu e ERC". "Hai que dicilo, moita xente non o sabe. A xente ten que saber que está a votar nas eleccións europeas", finalizou Rivera.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta