Por E.P. | SANTIAGO DE COMPOSTELA | 19/05/2019 | Actualizada ás 19:04
Ciudadanos comprometeu que en caso de chegar ao goberno local de Ourense tras o 26 de maio realizará unha auditoría de todas as zonas verdes e xardíns existentes, para adecualos ás necesidades dos cidadáns e convertelos en temáticos, co obxectivo de que todos os barrios conten con algún.
O candidato de Cs á alcaldía, José Araújo, fixo referencia á Alameda do Cruceiro, como exemplo de consenso e vontade política: "Este parque é unha mostra de todo o que se pode facer cando hai ganas, a min tocoume liderar este proxecto grazas ao acordo do Goberno municipal co líder do PSOE, naquel entón José Ángel Vázquez Barqueiro", subliñou.
Araújo sinalou que é un parque que "tivo moitísimo éxito e aceptación por parte dos veciños porque así o demandaban" e por iso, incluíu no seu programa a construción de parques temáticos en distintos puntos da cidade para que os ourensáns "non teñan que desprazarse e estean máis próximos aos seus lugares de residencia".
O candidato de Cs á alcaldía de Ourense insistiu en que "hai que traballar máis para que estes parques sexan un espazo de convivencia de todas as idades que buscan outro tipo de actividades como o fútbol sala ou baloncesto".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.