Ana Pontón pide unha "gran mobilización" para construír un "futuro con maior esperanza" en concellos e Europa
A portavoz nacional do BNG lembrou que o dereito a voto é algo "polo que moita xente traballou e loitou", para conseguir dereitos democráticos, liberdades públicas e servizos.
Por E.P. | SANTIAGO DE COMPOSTELA | 26/05/2019 | Actualizada ás 13:47
A portavoz nacional do BNG, Ana Pontón, pediu que este domingo electoral se produza unha "gran mobilización nas urnas" para que os galegos decidan sobre o futuro dos concellos e as institucións europeas para "seguir avanzado colectivamente como país" e para "construír un futuro con maior esperanza".
Pontón acudiu a votar durante a mañá á mesa electoral situada no CGAC en Santiago de Compostela, nunha xornada na que lembrou que o dereito a voto é algo "polo que moita xente traballou e loitou", para conseguir dereitos democráticos, liberdades públicas e servizos.
Apelou así a que se produza unha "gran mobilización" para que os galegos elixan a quen cren que permitirán que os seus concellos "sigan avanzando" e a quen "defendan os intereses do país" en Europa.
"Decisións relevantes", puntualizou, "para o presente e futuro para concellos e Europa".
Ana Pontón estivo acompañada da candidata do BNG á alcaldía de Santiago, Goretti Sanmartín.
