Unha parella perde a súa tablet e denuncia un falso roubo en Vilagarcía

Axentes da Policía Nacional pertencentes á Comisaría de Vilagarcía procederon a imputar a unha moza de 25 anos de idade como presunta autora dun delito de simulación de infracción penal xunto coa súa parella que era a propietaria da tablet supostamente subtraída e que admitiu que extraviara.

Segundo informou a Policía Nacional, os feitos sucederon o día 29 de maio cando a nova investigada denunciou en dependencias policiais ser vítima dun roubo con violencia.

Supostamente, e segundo relatou na súa denuncia, cando camiñaba pola rúa ás 1,15 horas foi abordada por un individuo que lle subtraeu a tableta que levaba na man de forma violenta tras propinarlle un empuxón. Por mor da denuncia os axentes iniciaron as investigacións para o esclarecemento dos feitos.

Unha vez citada novamente na comisaría prestou declaración en dependencias policiais e a moza recoñeceu presentar unha denuncia falsa para tentar que o seguro se fixese cargo, xa que hai unhas semanas a extraviara nun mercadillo.

Rúa Uruguai en Vigo.