Por Europa Press / Redacción | SANTIAGO DE COMPOSTELA | 05/06/2019 | Actualizada ás 18:03
A Comisión Escolar de Alertas suspendeu as actividades no exterior dos centros educativos nas provincias da Coruña e Pontevedra deste xoves pola alerta climatolóxica activa na comunidade para esta xornada.
Así o informou a Consellería de Educación, Universidade e Formación Profesional nun comunicado, lembrando que no caso de que as circunstancias nun municipio concreto supoñan un risco superior ao declarado, as direccións poderán adoptar as decisións oportunas sobre a suspensión de actividades extraescolares.
A chegada dun temporal prevista para a mañá deste xoves obrigou a decretar o aviso laranxa en todo o litoral galego e no interior das provincias da Coruña e Pontevedra, onde se prevén refachos de vento de máis de 100 quilómetros por hora.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.