Temor en Taboadela ante a presenza de numerosas serpes na contorna do centro de atención de maiores

A CIG pídelle ao concello que limpe a zona tras atopar varias cobras de “gran tamaño”.

Por Galicia Confidencial | Taboadela | 10/06/2019 | Actualizada ás 12:56

Comparte esta noticia

A CIG pídelle ao Concello de Taboadela que limpe a contorna do centro de atención a persoas maiores pola súa “situación de abandono total”, tanto por parte do propio concello como do mesmo Consorcio Galego de Servizos de Igualdade e Benestar.

Así, denuncia que nos últimos días víronse varias serpes “de tamaño considerable” nas inmediacións deste edificio. “Mesmo se chamou o centro de control de plagas (COSAPLA) e o Seprona donde eles mesmos recoñeceron que hai que cortar a maleza”, apunta a central sindical nun comunicado. A Dirección  do centro  xa puxo esta situación en coñecemento do concello que, segundo a CIG, “negouse a realizar a limpeza”.

“Dende este sindicato esiximos que se deixen de pasar a pelota uns aos outros e se acondicionen os arredores do centro para que os nosos maiores poidan gozar dos seus paseos sen que supoñan un risco para a súa saúde”.

Serpe de gran tamaño nas inmediacións do centro de maiores de Taboadela
Serpe de gran tamaño nas inmediacións do centro de maiores de Taboadela | Fonte: CIG

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Vicente

A serpe é cousa do demo! Viva a CIGa defendendo a cultura e a natureza galega e non os magufismos e medos populistas.