A corporación de Sober será a primeira en constituírse en toda España

Será o próximo 15 de xuño, ás 00,00 horas, madrugada do venres ao sábado.

Por Europa Press / Redacción | SANTIAGO DE COMPOSTELA | 10/06/2019 | Actualizada ás 17:09

Comparte esta noticia

A corporación municipal de Sober (Lugo) será a primeira de España en constituírse tras a convocatoria do primeiro pleno do mandato por parte do alcalde electo, Luís Fernández Guitián (PP), o próximo 15 de xuño das 00,00 horas, na madrugada do venres para o sábado.

Concello de Sober
Concello de Sober | Fonte: Europa Press

Fernández Guitián, que volverá ser alcalde tras tres maiorías absolutas consecutivas, explicou que se trata dun "feito anecdótico" que fai visible o municipio. Ademais, engadiu que dos máis de 8.100 concellos que hai en España, "Sober vai ser o primeiro".

Considera que nas dúas ocasións anteriores, en 2011 e 2015, "se alcanzaron os obxectivos que se propuxeron" para que se fale deste municipio lucense. A corporación terá oito concelleiros do PP, dous de Agroma Sober (Por un Interior Galego Vivo) e un do PSdeG.

Así mesmo, o alcalde incidiu na importancia das actividades, festas e eventos que o goberno local organizou ao longo do ano para atraer visitantes e que o Concello resulte "atractivo". Por iso, esta é outra iniciativa coas que pretende "pór a Sober no mapa".

Tamén mencionou a importancia de realizar accións "continuas e plurais" que contribúan a que a Ribeira Sacra consiga a distinción de Patrimonio da Humanidade pola Unesco.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 ferroviario.

A casa consistorial de Sober lembra claramente a unha estación de tren.