Todo o galego para os trebellos móbiles de Apple
GalApps publica dicionario, conxugador de verbos e tradutor para iPhone e iPad.
Por Galicia Confidencial | Santiago | 14/02/2012 | Actualizada ás 09:23
As aplicacións de GalApps (ConxuGalego, DicionarioGalego e TradutorGalego) lánzanse hoxe para iOS (o sistema operativo de iPhone e iPad, trebellos de Apple).
Baixo o lema "Toda a lingua no teu peto", as GalApps son un conxunto de aplicacións da lingua galega que permiten conxugar verbos en galego, buscar o significado de termos galegos e traducir textos do galego ao español, catalán, inglés ou francés, e viceversa.
O galego, coas GalApps, convírtese na primeira lingua que dispón dunha suite de aplicacións para as dúas principais plataformas móbiles, os trebellos Apple e os Android.
As novas pódense descargar de balde na AppStore de Apple. Están dispoñibles a través dos seguintes enlaces:
- ConxuGalego (AppStore) (Android Market)
- DicionarioGalego (AppStore) (Android Market)
- TradutorGalego (AppStore) (Android Market)
Os autores son Sabela Barreiro, Xurxo Méndez e Juan Porta, que publican a miúdo actualizacións dos programas sempre de balde.
