Xunta e CIG coinciden nas súas criticas á Selectividade

Educación di que "é o momento" de traballar nun novo modelo" afín ao resto das autonomías e CIG-Ensino critica a "improvisación e falta de rigor" das probas deste ano.

Por Europa Press / Redacción | SANTIAGO DE COMPOSTELA | 14/06/2019 | Actualizada ás 18:55

Comparte esta noticia

O Goberno galego aproveitou a polémica xornada de selectividade deste venres para dar outro paso adiante na súa campaña para tentar cambiar o actual modelo da ABAU. A conselleira de Educación, Universidade e Formación Profesional, Carmen Pomar, esixiu unha investigación e que se depuren responsabilidades polos problemas coa proba de Historia da Filosofía, e avanzou que convocará aos tres reitores galegos en próximos días.

Pomar desvelou que este venres tivo unha conversación co reitor da Universidade de Santiago, Antonio López, tras desatarse a polémica polo adiamento da proba e os erros nos exames, na que decidiu "convocar urxentemente" tanto aos responsables das tres institucións académicas como á Conferencia Interuniversitaria de Galicia para "estudar este tema e para depurar responsabilidades".

Así e tras "varios días de resaca mediática sobre o tema da selectividade", lembrou que o Goberno e o seu departamento buscan unha proba "máis equitativa" e que garanta a "igualdade de oportunidades" a calquera cidadán do Estado. "Tendo en conta isto, é o momento adecuado para empezar a dar os primeiros pasos nese traballo", engadiu, para conseguir unha ABAU "o máis blindada posible" e tomada "con moitísima seriedade", para "que non volva ocorrer o que pasou esta mañá".

A responsable de Educación lamentou "profundamente" as molestias ocasionadas a todos os estudantes, e asegurou que "desde o primeiro momento" estiveron en contacto coa CIUG para pedir que "se investigase" o ocorrido.

Pola súa banda, o sindicato CIG-Ensino acusou ao CIUG de actuar "con falta de previsión" na suspensión do exame de Historia de Filosofía e reprochou outros problemas rexistrados durante a xornada, como que algúns alumnos tiveron que esperar "unha hora" para poder recibir unha versión en galego do exame de 'Bioloxía e Xeoloxía'.

Carmen Pomar cos reitores / XUNTA / Europa Press
Carmen Pomar cos reitores / XUNTA / Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Guillerme Gintonic

Será que a CIG coincide co PP