Por E.P. | SANTIAGO DE COMPOSTELA | 14/06/2019 | Actualizada ás 20:17
Os representantes de catro partidos de Xinzo de Limia (PSOE, ÁXIL, XA e BNG) chegaron a un acordo político para facer alcaldesa á socialista Elvira Lama Fernández, "xa que resultou a candidata das forzas do cambio máis votada".
Así o deron a coñecer este venres nun comunicado asinado por todas organizacións, onde aseguraron que nas pasadas municipais a cidadanía expresou "inequivocamente" a súa vontade política, "optando por unha maioría de cambio alternativa á que gobernou no concello nos últimos anos".
Segundo eles, a súa vontade é "moito máis ambiciosa" para Xinzo e a súa cidadanía, polo que tamén acordaron "garantir" a gobernabilidade do concello, optando pola fórmula dunha coalición de goberno "estable, solidaria e eficaz", co "firme compromiso" de "desenvolver un programa común no camiño de mellorar o benestar e a calidade de vida dos veciños".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.