Investigan a un condutor multirreincidente por conducir ebrio, sen carné e sen seguro
Este home, veciño de Sada, é presunto autor dous delitos contra a Seguridade Viaria.
Por E.P. | SANTIAGO DE COMPOSTELA | 19/06/2019 | Actualizada ás 18:41
O destacamento da Agrupación de Tráfico da Garda Civil da Coruña investiga a un home, veciño de Sada, como presunto autor de dous delitos contra a Seguridade Viaria, por conducir ebrio, sen carné e nun vehículo sen seguro. Os feitos derivan dunha chamada recibida na Central de Tráfico na que se comunicaba a presenza dun condutor que levaba unha traxectoria errática na zona de Sada.
Ata a área desprazáronse varias patrullas e interceptaron ao home, que deu positivo na proba de alcoholemia en niveis penais. Do mesmo xeito, os axentes constataron que conducía sen carné, que lle foi retirado por mandato xudicial.O vehículo no que viaxaba o home non tiña seguro obrigatorio e a ITV estaba caducada, polo que tamén se confeccionaron as pertinentes denuncias por estes feitos.
