O XIV Premio Novela Europea, na man dos santiagueses
Os cidadáns poderán votar entre as cinco novelas finalistas no Café Casino, a libraría do Corte Inglés e a biblioteca Ánxel Casal.
Por E.P. | SANTIAGO DE COMPOSTELA | 24/06/2019 | Actualizada ás 13:41
Os santiagueses poderán votar entre as cinco novelas finalistas do XIV Premio Novela Europea desde este luns ata o sábado 29 de xuño no Café Casino, a libraría do Corte Inglés e a biblioteca Ánxel Casal. Este ano, o galardón ten como novidade o sorteo de cinco asistencias á gala de entrega do premio, ademais de varias papeletas premiadas cun lote de libros do Corte Inglés.
O certame literario foi presentado este luns no Café Casino de Santiago coa participación do secretario xeral de Política Lingüística, Valentín García; a representante da Asociación Cultural Café Casino, Maribel Martín; e o vicepresidente da Asociación Cultural Café Casino, Ubaldo Rueda.
Valentín García destacou durante a presentación a "dimensión internacional" do galardón que, na capital galega, "vén da man do Camiño de Santiago e do Xacobeo 2021" e serve para que "Galicia sexa un foco que emane e difunda cultura ao resto de Europa para que se converta nun premio de referencia".
Maribel Martín explicou o procedemento de votación do certame, que contará con tres xurados: a cidadanía de Santiago, que terá o 40% da decisión; os socios do Casino cun 10% e 12 persoas de distintos estamentos da cidade, entre as que estarán tres personalidades extraeses convidadas de Francia, Portugal e Rusia, cun peso do 50%. O cómputo dos votos realizarase o luns 1 de xullo.
XV PREMIO NOVELA EUROPEA
En vista da próxima edición, preténdese que participen seis cidades de Europa como Moscova, Londres, Vannes, París e Londres, segundo explicou Ubaldo Rueda, coa colocación de urnas en diferentes librarías para "dar a coñecer as novelas finalistas" e que o premio obteña "unha dimensión internacional".
Ademais, o nome do premio cambiarase a 'Premio Novela Europea Camiño de Santiago' no seu décimo quinta edición, que estará organizada polo Casino e a Consellería de Cultura e Turismo co obxectivo de "realizar un galardón de proxección europeísta e coar no mapa global a Santiago como centro cultural".
