O Club Deportivo Ourense SAD sae da lista de morosos tras desaparecer en xaneiro

O Club Deportivo Ourense SAD saíu este ano da lista de morosos da Axencia Tributaria, despois de desaparecer oficialmente a finais do pasado xaneiro.

En concreto, esta entidade viuse abocada á súa desaparición (que certificou o Boletín Oficial do Estado o pasado 31 de xaneiro) debido ás débedas que arrastraba pola compra de futbolistas.

Na anterior listaxe de morosos da Axencia Tributaria, o de 2018, o Club Deportivo Ourense SAD figuraba cunha débeda de 1 millón de euros.