Por Europa Press / Redacción | SANTIAGO DE COMPOSTELA | 03/07/2019 | Actualizada ás 18:18
Un operario faleceu na tarde deste mércores despois de quedar debaixo dunha carretilla no termo municipal de Carral (A Coruña). Así o informaron a Europa Press fontes do 112, que relataron que o servizo de emerxencias tivo coñecemento deste accidente sobre as 17:00 horas deste mércores.
Os feitos sucederon no lugar de Lameira, na parroquia de San Martiño de Tabeaio, no municipio de Carral. Foron os servizos sanitarios os que indicaron que se necesitaban medios de excarceración porque quedara debaixo dunha carretilla. Por iso, por parte do 112 informouse os voluntarios de Protección Civil de Carral, así como á Garda Civil e aos Bombeiros de Arteixo, mentres que o 061 xa estaba alertado. O persoal sanitario no punto non puido facer nada por salvar a vida do operario e confirmou o seu falecemento.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.