200.000 euros da Xunta para dinamizar a lectura en 154 municipios, 1.300 euros por municipio
Por E.P. | SANTIAGO DE COMPOSTELA | 03/07/2019 | Actualizada ás 19:34
Un total de 154 concellos beneficiaranse da convocatoria de axudas para a programación de actividades de dinamización da lectura nas bibliotecas e axencias de titularidade municipal.
O Diario Oficial de Galicia publicou este mércores a resolución da convocatoria, que conta cun orzamento de preto de 200.000 euros, o que resulta en case 1.300 euros por municipio.
As subvencións están destinadas a accións de animación á lectura a través do programa 'Ler conta moito', co que se busca contribuír á promoción deste tipo de hábitos como "vehículo de enriquecemento" persoal.
O importe concedido a cada municipio, superior a 1.000 euros para cada unha das 190 bibliotecas beneficiarias, empregarase para financiar o 75 por cento do custo de cada unha das actividades, mentres que a contía restante asumirase con fondos propios.
