Catro feridos tras un choque frontal entre dous turismos en Ponteceso

Un deles foi trasladado en helicóptero.

Por E.P. | SANTIAGO DE COMPOSTELA | 06/07/2019 | Actualizada ás 14:30

Comparte esta noticia

Un total de catro persoas foron evacuadas polos servizos sanitarios de urxencia, unha delas en helicóptero medicalizado, tras resultar feridos ao chocar frontalmente os coches nos que viaxaban na estrada que une as localidades coruñesas de Malpica e Ponteceso.

O 112 Galicia tivo constancia do suceso ao redor das 11,45 horas deste sábado a través da chamada dun particular. Os feridos atopábanse liberados e accesibles, aínda que, debido á gravidade das lesións dun dos implicados, foi necesaria a súa evacuación a través da aeronave medicalizada. Os outros tres ocupantes foron trasladados en ambulancia ata o hospital.

Ademais do persoal sanitario, colaboraron no operativo o GES de Ponteceso e a Garda Civil de Tráfico. Os Bombeiros de Bergantiños, a Policía Local e os membros de Protección Civil tamén foron informados.

Estrada
Estrada

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta